Субрата Рој ги закара ВМРО-ДПМНЕ и СДСМ

Субрата Рој ги закара македонските политички партии. Додека бизнисменот, кој најавува инвестирање во Македонија, шета низ Охрид со Владата, СДСМ излезе со соопштение:

СДСМ посакува во Македонија да влегуваат што повеќе странски инвестиции, и во туризам, и во земјоделие. Ќе ја поздравиме секоја инвестиција која навистина отвара работни места и нови шанси за македонската економија.

Но, не смееме да молчиме и да ги затвораме очите пред редицата афери и сомнежи врзани за бизнисите на Субрата Рој. Пред вас се извадоци од само неколку официјални и новинарски текстови во кои се споменуваат измами, излажани инвеститори, долгови и незавршени истраги за криминал од индиски институции.

Извадоци од текстот How rich is Subrata Roy? Sahara chief says his assets are worth under $1 million објавен на порталот India Today

(Often described in media reports as a billionaire, the boss of India’s unlisted Sahara conglomerate said on Wednesday he had assets totalling roughly 50 million rupees ($915,200).

“SEBI would be astonished to hear my personal assets,” Roy told reporters when he emerged after about an hour at SEBI headquarters.
In February, SEBI ordered a freeze on the assets of two Sahara companies as well as bank accounts and properties in Roy’s name. SEBI is also seeking Supreme Court approval for the arrest of Roy and two Sahara directors.
He said he had no “immovable property,” or real estate.)

Извадоци од текстот Neck-Deep in Trouble, will Subrata Roy’s dream of re-constructing Las Vegas in Macedonia come True ? објавен на порталот WordPress.com

(Or will Ohrid dream of Subrata Roy remain a dream forever like his plans of a luxury resort in Sunderbans a decade ago.
As the decade old whispers in stock markets go, the infamous Ketan Parekh scam was a result of Subrata Roy pulling out from the “badla financing” which created a cash crunch making the Sensex fall flat.
A genius who has always been a few steps ahead of the lawmakers and enforcers.
The man has thrown yet another challenge and is building yet another Castle in Thin Air.)

Извадоци од текстот SEBI Moves SC For Arrest Of Sahara Chief Subrata Roy објавен на порталот tehelka.com

SEBI today moved the Supreme Court seeking arrest of Sahara group promoter Subrata Roy Sahara and barring him from leaving the country after two companies of the group failed to comply with court’s order to refund Rs 24,000 crore to its investors.
SEBI urged the court to allow it to “take measures for arrest and detention in civil prison of promoter of Sahara Subrata Roy Sahara and the two male directors—Ashok Roy Choudhary and Ravi Shankar Dubey —after giving reasonable opportunity of hearing.”
SEBI also sought direction that their passports be deposited with the Supreme court.
SIREC and SHIC along Roy are facing contempt proceedings in the apex court before another bench which had on February 6 allowed SEBI to freeze accounts and seize properties of its two companies for defying court orders by not refunding the money to investors.
Later in the evening, Sahara group issued a statement claiming that Sebi has asked for civil detention of the promoter and directors of the company “knowing fully well that such provisions of Code of Civil Procedure (CPC), prescribing the same as a mode of execution of decree do not apply to Sebi…”

Затоа, пред Владата да му подари на Субрата Рој илјадници хектари најубаво крајбрежје и плодна земја, инсистираме истата да одговори на неколку прашања:

– Кои се парцелите кои ќе му бидат продадени на Субрата Рој?
– Колку чини земјата која ќе ја продаде Владата и која цена ќе ја плати Субрата Рој?
– Зошто нудат цена под пазарни услови, ако тој тврди дека е милијардер?
– Зошто Субрата Рој тврди во негова изјава пред индиските органи дека поседува само 915000 долари?
– Зошто Владата не почека да се расчистат обвинувањата за криминал во Индија?

Најважно од сѐ: инсистираме пред потпишување на каков било договор со Субрата Рој, Владата да го објави текстот на договорот, да се види точно какви поволности му дава и најважно – какви конкретни обврски тој ќе преземе, вклучително и колкави банкарски гаранции?

Почитувани граѓани, ова не е тема за импровизации. Најсериозно ја повикуваме Владата да не влегува во нови коруптивни зделки. Ако Субрата Рој ги излажал индиските инвеститори, која е гаранцијата дека нема да нѐ излаже и нас, ако се има предвид дека влогот на Македонија е македонскиот бисер – Охридското езеро? Со евентуален неуспех, цената којашто ќе ја плати Македонија е огромна и од финансиски, и од социјален, и од еколошки аспект.

ВМРО-ДПМНЕ врати:

Во Република Македонија, СДСМ има најмал кредибилитет да зборува за странски директни инвестиции. Такви во нивно време скоро и да немаше.

Во времето кога СДСМ беше на власт Република Макдонија беше на дното на полето на странски инвестиции со речиси ниту една поголема странска инвестиција. Кога СДСМ беше носител на власта, Македонија беше заобиколувана од странските инвеститори. Тогашните Влади не работеа ништо околу нивно привлекување во земјава. За каква корупција зборува Шилегов кога денес продажбата на земјиштето оди преку тендерска постапка, нешто што воопшто не постоеше додека СДСМ беше на власт.

СДСМ треба да каже кои инвестиции тие ги донесоа. Нема такви. Наместо тоа, донесоа сиромаштија и ги затворија фабриките кои претходно работеа. Ниту еден инвеститор не посетија, а не пак да го убедат да инвестира. Петре Шилегов кој сега сака да се покаже како голем душегрижник во тоа време учествуваше и бранеше сомнителни купопродажби на земјишта како член на второстепена владина комисија.

Владата на ВМРО-ДПМНЕ се бори за секоја инвестиција која ќе отвори нови работни места и ќе го подобри животот на граѓаните. Од 2007 до 2012 година Владата предводена од ВМРО- ДПМНЕ донесе странски инвестиции во износ од 1.550 милиони евра што е за 600 милиони евра повеќе од сите досегашни Влади предводени од СДСМ. Откако ВМРО-ДПМНЕ е на власт во Македонија се отворија голем број фабрики како што се Џонсон Контрол, Џонсон Мети, Кромберт и Шуберт, Кемет Елетроникс, Ван Хол, Дрекслер Мајер, Техно Хозе, Агрокор и уште многу други помали фабрики со странски капитал. Мораме да потенцираме дека Владата на Република Македонија успеа да ги донесе овие гиганти во светска и економка криза за разлика од времето кога СДСМ владееше и не се соочуваше со овие глобални проблеми и пречки. Овој број на странски директни инвестиции придонесе за отворање на илјадници нови работни места за македонските граѓани како и за заживување на македонската економија, а според последните податоци и за зголемување на извозот во државата.

Како што ВМРО-ДПМНЕ вети дека ќе поддржува странски директни инвестиции, така и прави, така ќе продолжи и во иднина да привлекува странски капитал и да ја јакне економијата во Република Македонија. Наша должност и обврска е да обезбедиме подобар живот на граѓаните и можности за вроботување. Зошто СДСМ толку панично реагира ако некој сам изјавува дека сака да инвестиа во државата? Наше е да се бориме за инвестиции, а  на крај одлуката е на инвеститорите.

СДСМ со ваков однос само покажува дека продолжува со деструктивниот однос и празна критика кон било што.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.