Стравотни снимки: Се урна карпа над плажата Навајо на Закинтос, спасувачката акција е во тек (ФОТО+ВИДЕО)

Вкупно седум лица се полесно повредени по лизгањето на земјиштето на плажата „Навајо“ на грчкиот остров Закинтос. Сите повредени биле пренесени во Општата болница на островот, три лица се пуштени, додека пак едно четиричлено семејство од Чешка е задржано на лекување. 34-годишна жена се здобила со повреди на ‘рбетот, додека пак нејзиниот сопруг и двете деца имаат полесни повреди и се превентивно хоспитализирани.

#navagio #navagiobeach collapse pic.twitter.com/0yO1UANya7

— d3scr1pt0r (@d3scr1pt0r) September 13, 2018

Како што јави дописничката на МИА од Атина, според грчката крајбрежна служба кусо по 13 часот заврши процесот на пребројување на туристите кои што со бродовите стигнале на плажата и било констатирано дека нема исчезнати лица, додека пак плажата превентивно беше евакуирана и е забранет пристапот за бродови и чамци.

The shocking moment when the rock slide occurred at #Navagio beach in #Zante #Zakynthos
3 injured
Η στιγμή της κατολίσθησης στην Ζάκυνθο, στην παραλία του Ναυαγίου.
3 άτομα τραυματίστηκαν ελαφρά#Greece #navagiobeach pic.twitter.com/8fJoPhQgsK

— Leonidas ToEat ♎☘🇬🇷🇬🇧 (@AnAthenianToLDN) September 13, 2018

Во акцијата за спасување и пронаоѓање на евентуално исчезнати лица на популарната плажа на Закинтос, учествува пожарникари заедно со куче за спасување.

Како што претходно објави МИА, претпладнево на популарната плажа „Навагио“ на грчкиот остров Закинтос, од засега непознати причини почнале да паѓаат карпи од голема височина, предизвикале силни бранови кои ги превртеле чамците и бродовите што во тој момент се наоѓале во близина на плажата.

Three people were lightly injured after an landslide over the iconic #Navagio beach on #Zakynthos island, western #Greece https://t.co/VF2QFLZuyQ pic.twitter.com/82Szo2SnAM

— The National Herald (@NationalHerald) September 13, 2018

– Се слушна врева и падна мал дел од карпа, потоа втор поголем дел и трет дел што создаде вител во морето што ги преврти чамците, вели за грчката новинска агенција АНА-МПА, очевидец, член на екипажот на еден брод.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.