Ти си крива за неговата смрт: Фановите бесни на Аријана Гранде

Фановите на американскиот рапер Мек Милер, кој вчера беше пронајден мртов во неговиот дом во Калифорнија, се бесни на Аријана Гранде и ја обвинуваат неа за неговата смрт. Милер подолг период имаше проблеми со зависноста, а во мај годинава ја прекина двегодишната врска со Гранде, по што состојбата уште повеќе му се влошила.

Дополнително, пејачката се вери за комичарот Пит Дејвисон само месец дена откако ја прекина врската со раперот.

Беживотното телото на 26-годишниот Милер е пронајдено синоќа, а според првичните информации во американските медиуми како причина за смртта се наведува предозирање со наркотици.

Пејачката денеска ја онеспособи опцијата за оставање пораки на нејзиниот профил на „Инстаграм“, откако илјадници фанови на раперот почнаа да и пишуваат дека токму таа е причината што тој е мртов.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.