Боки 13 ќе го менува полот пред камери (ВИДЕО)

Веќе најавениот „Мистик – проект“ на македонскиот шоумен ќе биде всушност реално шоу во кое тој ќе го промени својот пол, пренесува српски Курир. Шоуто и целиот процес ќе трае неколку години, а во него ќе се прикажува и операцијата за промена на полот.

Промотивното видео за шоуто беше промовирано вчера, а емисијата се планира да се прикажува низ целиот Балкан, но и во Турција. За целиот процес ќе биде снимен и документарен филм, а во склоп на шоуто Боки ќе издаде и албум со песни и тоа на македонски, српски и англиски.

– Одвај чекам проектот да заврши, осмислен е да трае неколку години. Сигурно е дека после ова сите кои не го сфаќаа ликот на Боки 13 серизно, ќе видат дека не биле во право – изјавил тој.

Интернационалната премиера се планира да биде во Белград, некаде околу Нова година кога целиот проект ќе биде завршен.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.