Три часа држел 50 луѓе како заложници, една жена е убиена (видео)

Вистинска заложничка драма се случувала во продавница во Лос Анџелес, откако ооружен напаѓач упаднал  и околу три часа како заложници држел 50-тина луѓе пред да ѝ се предаде на полицијата. Во нападот, кој се случил вчера околу 18 и 30 часот по локално време, е убиена една жена.

Инцидентот се случил во продавница на „Трејдер Џос“. Полицијата навела дека два часа пред инцидентот, човекот со седум куршуми ја усмртил баба му, а повредил и една жена која насилно ја внел во неговиот автомобил. Во потерата по него, полицијата и напаѓачот размениле оган по што напаѓачот удрил во столб пред продавницата и потоа влегол во неа.

Некои од купувачите успеале да избегаат низ прозор, а други се затвориле во разни простории додека на местото на инцидентот пристигнале полицијата, пожарникарите и 18 возила на брзата помош.

Полициските преговарачи успеале да го убедат напаѓачот, кој бил на возраст од 28 години, да се предаде и да ги ослободи заложниците. Околу 18 и 30 часот по локално време односно 3 часот наутро по средноевропско време, тој се согласил сам да си стави лисици и излегол од продавницата со четири заложници околу него.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.