Бразилците со камења дочекани во татковината (видео)

Бразилски навивачи го каменуваа автобусот со кој фудбалската репрезентација се врати во земјата по настапот на Светското прванство во Русија.

Бразил беше елиминиран од Белгија во четвртфиналето и тоа очигледно некои од тамошните фанови не можат да го преболат.

Видеото што кружи на Интернет покажува како навивачите го сопреа автобусот и по него фрлаат камења и други предмети, а потоа полицијата реагира и ги растерува незадоволни фанови на „кариоките“.

Никој од членовите на стручниот штаб и фудбалерите не беа повредени, објавија бразилските медиуми.

Најмногу на удар од критичарите се најде Фернандињо поради автоголот и лошата игра на дуелот со Белгија кој Бразил го загуби со 2:1.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.