Евакуирани 100 гости: 75 пожарникари се брат со пожар во хотел во центарот на Љубљана (ВИДЕО)

Во хотелот „Унион“ во центарот на Љубљана денеска избил пожар поради што евакуирани се стотина луѓе, соопшти словенечката полиција.

Пожарот се уште не е локализиран, а полицијата истакнува дека нема повредени.

Пожарникарот Јуре Долинар изјави дека пожарот избил во поткровната структура на овој хотел со четири ѕвезди.

Пожаротот го гасат 75 пожарникари со 14 противпожарни возила.

Агенцијата СТА јавува дека се проценува оти ќе им бидат потребни уште неколку часа за да го изгаснат пожарот.

Долинар наведува дека на пожарникарите им е тешко зашто хотелот е висок 22 метри.

Причината за пожарот засега не е позната.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.