Патнички воз излета од шини во близина на австрискиот град Санкт Пелтен, при што две лица се потешко повредени, додека 26 патници се здобиле со полесни повреди.
Возот со два вагона, во кои имало 80 патници, излетал од шините на станицата која се наоѓа западно од Виена. Третиот вагон останал на шините. На местото на несреќата се наоѓаат голем број возила на брза помош и им се укажува помош на полесно повредените.
Франц Респергер, портпарол на противпожарната служба во провинцијата Долна Австрија, изјави за австриската новинска агенција дека несреќата се случила околу 7 часот.
Нема информации за причините за несреќата. Возот му припаѓа на Маријазелербан, локална железничка пруга, и патувал кон Сент Пелтен.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
