Српскиот тенисер Новак Ѓоковиќ е задоволен од моменталната форма и покрај поразот во финалето на турнирот во Лондон од Хрватот Марина Чилиќ.
– Јас сум блиску до мојата најдобра форма и многу ми е драго што можам да играм на ова ниво пред Вимблдон. Лондон е голем турнир пред Вимблдон, и стигнав до финалето. Ова е одличен резултат, истакна поранешниот прв светски рекет.
Тој му ја честиташе победата на ривалот и додаде дека е добро што по една година, повторно е во завршницата од еден турнир.
31-годишниот Ѓоковиќ половина од минатата сезона ја пропушти поради повреда на лактот.
Следен негов предизвик е Грен слемот Вимблдон кој ќе се одржи од 2 до 15 јули. Ѓоковиќ има три титули од овој турнир. Победуваше во 2011, 2014 и во 2015 година
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
