Макрон искара тинејџер: Не можеш да се однесуваш како кловн! (ВИДЕО)

Емануел Макрон е во центарот на еден скандал откако му викаше едно дете. Претседателот на Франција почна да му вика на францускиот тинејџер, затоа што тој му довикна со надимакот „Ману“ и му ја пееше химната на социјалистите пред него.

Тоа се случило на северот на Франција, на комеморацијата на генералот Шарл Де Гол, пренесува Ројтерс.

Момчето, кое најверојатно има околу 15-16 години стоеше зад оградата додека Макрон минуваше покрај големиот луѓе стоеше и пееше, пред на Макрон да му каже: „Што има Ману?“.

На тоа Макрон остро му одговори дека не смее така да се однесува, затоа што е на официјална церемонија.

-Можеш да се однесуваш како кловн, но ние денеска ја пееме Марсељезата и партизански песни. Обраќај ми се со „Господине претседателе“, кажа Макрон.

Детето му се извини, но Макрон продолжи да му објаснува.

-Мораш да ги правиш работите на вистински начин. Ако сакаш еден ден да предводиш револуција, прво мораш да стекнеш диплома и да научиш како да заработиш пари за да преживееш, кажа Макрон.

Како што се наведува, ова не е прв пат Макрон во јавноста да дели лекции кон оние кои го предизвикуваат или не го почитуваат, а во текот на минатогодишната претседателска кампања кога еден од работниците го обвини дека е „човек во одело“, тој кажа дека „најдобар начин да го платиш оделото е да добиеш работа“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.