Неколку стотини луѓе вечерва се собраа пред Собранието во Скопје на протест против договорот за решавање на спорот за името со Грција. Граѓаните скандираа “поддршка за Иванов”, “ оставка од Владата” и побараа да нема референдум за името.
Насобраните граѓани ја блокираа и крстосницата во близина на Собранието, а најавија дека блокадите ќе продолжат.
Протестите пред Собранието почнаа откако премиерот Зоран Заев објави дека е постигнат договор за решавање на спорот за името со Грција. В недела, според најавите од владата, во Преспа министрите Никола Димитров и Никос Коѕијас ќе го потпишат договорот, на церемонија која ќе се одвива на грчка и на македонска територија, а на која присуствуваат и премиерите на двете земји, Зоран Заев и Алексис Ципрас.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
