Лудо возеле по улица во која ограничувањето е 30 километри на час: Детали за несреќата во која загина македонски бизнисмен!

Во центарот на Медулин во ноќта во петокот кон саботата се случи страшна сообраќајна несреќа во која загинаа два мажи, еден хрвтски државјанин и еден македоснки државјанин. Двајцата биле во изнајменото возило Форд Мондео, во сопственост на рент а кар агенција, а смртно страдале откако автомобилот, поради неприлагодена брзина најпрво се забил во столб на улична светилка, а потоа и во бетонски ѕид.

Јутрањи лист пишува дека несреќата се случила во дел каде е пропишана брзина од 30 километри на час. Возилото возело многу побрзо, за што сведочат трагите на кочење, па поминувајќи во спротивната лента се занело и излетало во десно, ударајќи во уличната светилка, а потоа и во ѕид.

Од силината на ударот столбот на уличната светилка се откинал од лежиштето и влегол под автомобилот, а потоа следувал удар во оградниот бетонски ѕид, а столбот на светилката удрил во терасата на првиот кат на станбената зграда. Автомобилот застанал во близина на срушениот ѕид со столобот на светилката заглавен во подвозјето на возилото.

Возачот и неговиот сопатник починале на лице место. Се уште не се открива идентитетот на загинатите од кои едниот е македонски државјанин, кој во Хрватска отишол работно.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.