Само еден „вардарец“ во тимот на сезона во Лигата на шампионите (видео)

Арпад Штербик е единствениот ракометар на Вардар во ЕХФ тимот на Лигата на шампионите, одличните одбрани на голманот се еден од клучните фактори и за освојувањето на ланската титула и за фактот што македонскиот тим повторно е во Келн каде што ќе го брани тронот.

Најдобро лево крило е Уве Генсхајмер од ПСЖ од кој има уште тројца ракометари, најдобар лев бек е Сандер Сагосен, а најдобар централен е Никола Карабатиќ, неговиот брат Лука е најдобар дефанзивец.

Најдобар пикер е Бјарте Мирхол од Скјерн, десен бек е играчот на Барселона Дика Мем, а десно крило е Давид Балагер од Нант. Од тимот на Кире Лазаров доаѓа и најдобриот млад играч, Ромен Лагард.

За најдобар тренер е прогласен стратегот на Монпелје, Патрис Канаје. Тоа значи дека најдобрите тренери од последните две сезони утре ќе ги водат своите екипи во полуфиналето меѓу Вардар и Монпелје.

The VELUX EHF Champions League 2017/18 All-star Team @HCVardar @psghand @skjernhaandbold @FCBHandbol @HBCNantes @mhbofficiel #ehffinal4 #veluxehfcl pic.twitter.com/M5NtcJYXzX

— EHF Champions League (@ehfcl) May 25, 2018

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.