Со четири погодоци во мрежата на Милан, Јувентус го освои Купот на Италија

По првиот дел без голови, екипата на Јувентус синоќа одигра одлични втори 45 минути во кои успеја да постигне 4 гола против тимот на Милан и да стигне до Купот на Италија по 13-ти пат.

Бенатија го отвори резултатот со гол со глава од корнер, а потоа и Даглас Коста го совлада несигурниот Донарума за 2-0. Младиот голман на „Росоњерите“ направи и уште една грешка во 64-та минута која што резултираше со трет гол на Јувентус за осум минути и втор на Бенатија.

За крај, Калиниќ постигна автогол во 76-та минута од натпреварот и ги постави конечните 4-0 за четврта по ред титула во Купот на Италија за Јувентус.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.