Џеки Чен си ја избрка ќерка му од дома: Сега таа живее како бездомник, а многумина го оправдуваат поради одлуката (Видео)

Ќерката на Џеки Чен, 19-годишната Ета Нг Чок Лам и нејзината девојка, Kанаѓанката Енди Отом живеат како бездомници поради хомофобните родители кои не им дозволуваат да бидат заедно.

Тие две снимиле видео и го објавиле на Јутјуб страната, а нивната приказна многу брзо стана вирална на Интернeт. Сега за овој случај зборуваат и светските медиуми.

-Здраво, јас сум ќерката на Џеки Чен, а ова е мојата девојка Енди. Живееме како бездомници веќе еден месец поради нашите родители кои се хомофоби. Спиеме под мост, бидејќи никој не сака да ни помогне, рекла Ета на видеото.

Девојките истакнуваат дека тие завршиле на улица и дека се беспомошни. Тие велат дека стравуваат од државните засолништа во Хонг Конг кои ги одбегнуваат бидејќи се сигурни дека ќе ги разделат.

-Не сфаќам што се случува. Побаравме помош, но на никој не му е грижа. Поради тоа го снимаме ова видео, бидејќи не знаеме што да правиме. Се сакаме, но се обидуваат да не разделат, рекле девојките.

Џеки Чен ја доби ќерката Ета за време на кратката афера со нејзината мајка Илејн Нг Ји Леј, а мајката и’ порачувала на Ета дека е време да стане посериозна личност и да најде работа.

Илјадници коментари за овој случај се појавија на социјалните мрежи. За изненадување е што многумина го оправдуваат актерот за ова што го направил.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.