Акробатка имаше смртоносен пад во циркус пред очите на публиката

Триесет и едногодишната Французинка Сара Гијар Гиљо трагично загина за време на циркуска претстава откако ѝ се скина јажето и падна од врвот на бината пред очите на полната сала.

– Прво многу помислија дека тоа е дел од шоуто, но потоа се слушнаа вресоци, а една девојка на сцената заплака – раскажува посетител за француски „Сан“.

Акробатката веднаш била префрлена во болница, но лекарите, и покрај обидите да ѝ го спасат животот, на крајот констатирале смрт.

Ова е прва несреќа со трагичен крај што се случил за време на изведување на претставата во 30-годишната историја на познатиот циркус „Сирк ду Солеи“.

– Скршено ни е срцето. Изразуваме најдлабоко сочувство на семејството. Секоја вечер се потсетуваме со целосно почитување колку секој од нашите уметници е исклучителен. Нашиот фокус е сега давање поддршка на семејствата – соопшти основачот на циркусот Жи Лалиберт.
Сара Гијар имала 20-годишно циркуско искуство, а дел од оваа претстава била од 2006 година. Таа била мајка на две деца.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.