Координаторот на пратеничката група на ВМРО-ДПМНЕ, Драган Данев на премиерот Зоран Заев денеска при гласањето на доверба на Владата во Собранието му порача дека е предводник на најнеспособната и најнеработливата влада во историјата на Република Македонија.
Според него, Владата нема капацитет за водење на институциите.
-Наместо да се зафати со решавање на реалните проблеми и потреби на граѓаните на Република Македонија како што ветувавте во предизборието, вие работите исклучиво за остварување на своите партиски и лични интереси. И за одржување на, пред се, климавата коалиција. За да останате на власт сериозно ги подривте националните и државните интереси на мојата и вашата татковина, рече Данев од собраниската говорница.
Координаторот на пратеничката група потенцираше дека оваа, како што рече, недемократска, неспособна, најнеработлива и најкриминална влада треба да биде минато.
Тој побара од пратениците од парламентарното мнозинство кога ќе гласаат за доверба на владата да ги земат предвид интересите на граѓаните на Република Македонија.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Поврзани вести
-
Шок во Бордо: Суботиќ во бесознание, доби удар од голманот на Ст.Етјен
-
Кузмановска: Неспособната власт ги задолжи граѓаните за нови 21,1 милион евра
-
И јас трпев насилство од поранешниот партнер: Министерката си ја отвори душата!(видео)
-
Руси масовно дрифтаат во снег, ни полицијата не им може ништо (Видео)
