За седум српски државјани, кои се меѓу деветмината обвинети за убиството на Американецот Бакари Хендерсон на грчкиот остров Закинтос, во обвинителниот акт се бара доживотен затвор, објави денеска српскиот весник „Политика“.
Весникот пишува дека истрагата утврдила оти младиот човек починал 11 секунди по удар со нога во главата и дека еден од учесниците во тоа кривично дело никогаш не е идентификуван.
Според одлуката на советот за прекршоци на Закинтос, таа казна е побарана во обвинението на 55 страници за деветмина учесници во тоа кривично дело, а на шестмина учесници ќе им се суди за „тешко кривично дело убиство без предумисла во мирна психичка состојба”.
Во заклучокот на судијата се вели дека „младиот Американец бил нападнат со намера да биде убиен“.
Инаку, лани во јули, 22- годишниот американскиот државјанин Бакари Хендерсон беше убиен на Закинтос по караница за девојка.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Поврзани вести
-
Ужасно е да се носи облека на човек кого го убивме пред 20 минути-oвој детал доведе до разоткривање на бруталното убиство на Кашоги
-
Објавени нови детали за убиството на Кашоги: Само некој кој зема хероин би го направил тоа
-
Убиство во семејство со македонско потекло во Швајцарија
-
Американски рапер убиен во престрелка
