Нејмар прв играч на Купот на конфедерации, блескаа и Фред, Паулињо, Цезар, Кавани…

Бразилскиот фудбалски бисер Нејмар е број 1 на Купот на конфедерециите, што заврши со уверлива победа на Бразил, со 3-0 против Шпанија во финалето.

Нејмар е најкорисен играч и тоа сосема заслужено, а особено добро одигра во завршниот меч против актуелниот светски првак. Новиот играч на Барселона беше недопирлив за одбраната на Шпанија, постигна прекрасен гол, а изнуди и исклучување за Пике.

Покрај него, одличен турнир имаа и ветераните во Бразил, голманот Цезар и напаѓачот Фред. Првиот бранеше перфектно и се враќа на големата сцена, по непријатната епизода во Квинс Парк Ренџерс со кого испадна од Премиер-лигата.

Пред него, а веднаш зад Нејмар е напаѓачот Фред, веројатно и најпријатното изненадување на турнирот. Фред е поранешен член на Лион, потоа се врати во Бразил и игра во домашното првенство, во Флуминензе. Сега со одличните игри и петте гола на Купот повторно го сврте вниманието кон себе, а клубови од Европа се тркаат за негов ангажман.

Вистинско откровение е 24-годишниот Паулињо од Коринтијанс. Коруплентен, брз, одлично технички потокован, тој беше важен дел од машинеријата на Бразил, што на уверлив начин го освои пехарот. За него најзагреан е Тотенхем, подготвени се да платат 20 милиони евра, но со игрите на Купот, Паулињо си ја зголеми цената и интересот на големите клубови за негов ангажман.

Првиот стрелец во Серија А, Едисон Кавани, уште еднаш потврди дека е расен голгетер и дека навистина вреди милиони евра. Наполи за него бара 63 милиони евра отштета, до пред Купот во Бразил немаше сериозна понуда за тие пари, но сега веројатно ќе биде поинаку. Уругваецот одигра перфектен турнир и ќе биде вистинско засилување за секој клуб на планетата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.