Предизвикала сообраќајка за да им докаже на своите деца дека Бог постои (Видео)

Бакари Варен од американската држава Џорџија, уапсена е откако намерно предизвикала сообраќајна несреќа за да им докаже на своите деца дека Господ постои и оти ќе ги заштити.

За среќа после судирот, децата и мајката поминале без повреди.

Варен со своето теренско возило во полна брзина удрила во бетонски столб, а пред самата несреќа на своите деца им рекла дека намерно ќе удри во столбот за да им докаже дека Бог постои и дека ќе ги сочува во сообраќајната несреќа доколку имаат верба во него.

Несреќата ја забележале и безбедносните камери кои ја снимиле Варен како вози со автомобилот северно од индустрискиот булевар во округот Гвинет во Џорџија, пред свесно да заврти во спротивната лента, а после тоа и да се тргне од патот и на крајот да удри во бетонскиот столб, кој предизвикал огромна материјална штета на нивниот автомобил.

Нејзините две деца на возраст од пет и седум години, биле на задните седишта и поминале без повреди.

Откако полицијата излегла на местото на несреќата, Варен раскажала што се случило и признала дека намерно го удрила автомобилот за да им докаже на своите деца дека Господ постои и оти ќе ги сочува во несреќата доколку се молат и веруваат во него.

Бизарната одлука на Варен ја потврдиле и нејзините деца, кој ги опишаа моментите кои претходеле на несреќата.

„Таа заврти во спротивната лента, ги затвори очите и повторуваше: Бла, бла, го сакам Господ, а потоа се удривме“ – изјавило едно од нејзините деца кое било во автомобилот.

Жената не негирала дека намерно го удрила автомобилот, а во своја одбрана изјавила дека ги предупредила своите деца да се врзат бидејќи намерно под полна брзина ќе го насочи автомобилот кон бетонскиот столб. Сепак, жената е уапсена на лице место и ќе се соочи со обвиненија за загрозување на безбедноста на децата. Кауцијата за нејзиното ослободување е 22.000 долари, а до завршувањето на процесот нејзините деца ќе бидат кај бабата и дедото.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.