Вучиќ: Ќе ги продолжам разговорите со Албанците без оглед на тоа што ништо не им верувам

Претседателот на Србија, Александар Вучиќ изјави дека ќе ги продолжи разговорите со Албанците со цел да се пронајде компромисно решение за „косовско-метохискиот јазол“, бидејќи на Србија не и се пишува добро доколку не се реши тој проблем.

-Ќе ги продолжам разговорите со Албанците без оглед на тоа што ништо не им верувам. Немаме друг избор. Мораме да најдеме компромисно решение, а ако не биде такво – компромисно, тогаш нема ни да има решение – изјави Вучиќ на прес-конференција во Србија.

Тој додава дека ако треба 20 часа ќе го образложува компросмисното решение за косовско – метохиското прашање, а потоа народот сам да одлучи дали е во право или не. Тој на прес-конференција го покажа Бриселскиот договор, истакнувајќи дека шест од 15 точки на тој договор останале „мртви букви на хартија“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.