Шпанија одвај ја порази Италија на пенали (Видео)

Шпанија иако победи на овој натпревар, не покажа ништо посебно во играта и играше лошо. Италијаните беа нешто подобри и повеќе се трудеа, но исто така беше без резултат. Дури 120 минути овие 2 тима се мачеа да стигнат до гол и да победат.

Ударите од белата точка почнаа со„паненка“ на Кандрева кој го измами Касилјас. Погоди Чави за 1-1, а прецизни беа и Аквилани и Иниеста за 2-2.

Де Роси и Пике исто така беа успешни од белата точка, 3-3. Селеден беше Џовинко и погоди, а и Серхио Рамос научил да шутира пенали и веќе не ја праќа топката во вселената, 4-4.

Петта серија, Пирло смирено ја затресе мрежата за водство за Италија од 5-4, но и Мата веднаш по него покажа ладнокрвност.

Се редеа пеналите, Монтоливо беше успешен, а потоа и Бускетс за 6-6.

Дојде редот на Бонучи и тој беше прв што погреши, ја испрати топката над гредата, а Хесус Навас го искористи подарокот и погоди за финале. Шпанија по изведување пенали победи со 7-6.

Претходно Бразил го победи Уругвај со 2-1 и си обезбеди меч за трофејот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.