„Александар Велики“ заминува од скопскиот аеродром: Се вадат буквите од зградата на терминалот

Почна отстранувањето на буквите на зградата на терминалот на доскорешниот аередром „Александар Велики“.

Активноста се спроведува како резултат на владината одлука од 4 февруари за преименување на скопскиот аеродром. Новото име ќе биде Меѓународен аеродром Скопје (Skopje International Airport).

Веќе е во процедура и менување и името на автопатот „Александар Велики“ во „Пријателство“.

Промената на името на аеродромот и автопатот беше најавено од премиерот Зоран Заев на 24 јануари по средбата со грчкиот премиер Алексис Ципрас на Светскиот економски форум во Давос.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.