Хрватски средношколки се тепаа за момче (видео)

Тепачката во Сплит, која ја потресе Хрватска и регионот, доби епилог.

Средношколките сепак не добија иста казна за крвавата тепачка. Едната на возраст од 16 години е казнета со укор, а на другата, не и е изречена никаква казна.

Ученичката од прва година во Економското училиште доби укор, додека ученичката од втора година во Средното сообраќајно училиште е ослободена од секаква казна, зашто инцидентот наводно се случил надвор од училиштето.

И во двете средни училишта се работи на нормализирање на тензиите меѓу учениците со цел да не се случуваат слични насилства. Двете средношколки од полицијата добија прекршочни пријави за нарушување на јавниот ред и мир.

На 31 јануари во Сплит девојките жестоко се тепаа, додека стотина нивни соученици навиваа и ги бодреа.

Причина за тепачката било момче.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.