Шилегов се предомисли: Никогаш на граѓаните не сум им ветил решавање на загадувањето

Загадувањето е сериозен и комплексен проблем. За тој проблем не постои волшебно стапче или копче кое што можете да го вклучите или употребите за да може да го решите, вели градоначалникот на Град Скопје, Петре Шилегов во интервјуто за емисијата „Патот кон“.

Водителот на емисијата по малку зачудено му вели на Шилегов дека за време на кампањата за локалните избори не викал така, туку дека тој е решението.

На ова Шилегов одговори: „Значи никогаш на граѓаните не сум им ветил брзо решавање на овој проблем. Гледајте ги моите настапи во текот на кампањата и во текот на официјалните обраќања до граѓаните, а реков дека оваа зима ќе ја имаме како аманет поставен од претходната власт во врска со загадувањето“.

Додека пред изборите Шилегов го ветуваше сосема спротивното, односно итно решавање на проблемот со загаденоста на воздухот, кога тие ќе дојдат на власт.

Вака се одвиваше разговорот со градоначалникот на Град Скопје во однос на загадувањето.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.