Хеликоптер се сруши врз куќа и уби луѓе (видео)

Три лица загинаа, а две се повредени вчера откако хеликоптер се урна врз куќа во јужна Калифорнија.

Хеликоптерот летал само 1,6 километри по полетувањето од аеродромот „Џон Вејн“, а потоа се урнал.

Полицијата во Њупорт бич објави дека во малиот хеликоптер „робинсон 44“ во моментот на несреќата имало 4 лица.

Кенди Региц, соседка, мислела дека нешто ќе падне врз нејзината куќа.

„Помислив дека нешто набрзо ќе падне врз мојот покрив, го грабнав кучето, истрчав надвор и тогаш сфатив дека не е мојата куќа, но се гледаше чад и урнатини наоколу, позади мојата куќа“ – вели таа.

Сведок за локалната телевизија КЦАЛ вели дека излегол од куќа кога слушнал силна врева и видел облак прашина. Тогаш видел човек како виси од леталото.

„Сакавме да го извлечеме, но не го чепкавме за да не ризикуваме да повредиме некого“- изјави сведокот.

Почната е истрага за несреќата во која учествува и американската Сојузна управа за цивилно воздухопловство. Снимките објавени на интернет го прикажуваат местото на несреќата и спасувачките екипи на терен.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.