Критичарот Мајкл Чрч во угледниот британски весник „Индепендент“ објави рецензија за најновиот проект со музика од Македонија „Македонисимо“ на пијанистот Симон Трпчески кој беше претставен во салата за камерна музика, лондонскиот „Вигмор хол“, која беше исполнета до последното место. Во рецензијата, меѓу другото, Чрч пишува дека „Оваа група мора повторно да се врати“.
„Пијанистот Симон Трпчески собра петмина виртуози од родната Македонија за изведба на музика од нивната татковина.
Навикнати сме да го гледаме Симон Трпчески како врвен пијанист од типот на Бетовен, Брамс. Но, овој концерт ни ги прошири видиците: тој е мулти-инструменталист со победнички звук како народен пејач, лидер на бенд и врвен мајстор. Тој собрал петмина виртуози од родната Македонија: виолинистот Александар Краповски, перкусионистот Влатко Нушев, виолончелистот Александар Сомов и кларинетистот/саксофонистот Хидан Мамудов, кој е мајстор на флејта.
Идејата беше да нè воведат во музиката на нивната татковина. Првично слушнавме стандардни балкански елементи, но постепено музичката естетика на оваа сиромашена мала земја стана забележлива.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
