Со прекрасен гол за победа Форлан го прослави стотиот настап за Уругвај (видео)

Диего Форлан е жива легенда на уругвајскиот фудбал, а синоќа одново ја потврди светската класа во јубилејниот стоти натпревар за својата репрезентација. Напаѓачот постигна мајсторски гол и имаше и една асистенција во победата на Урусите од 2-1 против Нигерија на Купот на конфедерациите во Бразил. најпрво во 19. минута одлично го пронајде Диего Лугано, а одбранбениот играч лесно погоди за 1-0.

Оби Микел израмни на 1-1 во 37. минута, а Форлан со прекрасен удар ја симна пајажината од противничкиот гол во 51. минута за супер прослава на убавиот јубилеј и за победа на Уругвај. Диего е рекордер на репрезентацијата со 34 погодоци, еден повеќе од Луис Суарез. Уругвај е на прагот на полуфиналето, иако има ист број бодови, по 3 со Нигерија. Урусите ќе играат со слабиот Тахити и им треба победа, а Нигерија ќе мора да слави против Шпанија и да се надева на чудо на вториот меч.

Светскиот првак Шпанија синоќа го декласира Тахити со 10-0.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.