Темелковски: Да не беше Никола Груевски, Република Македонија ќе се викаше Република Тенџере

Актерот Петар Темелковски во гостување во емисијата на Миленко Неделковски изјави дека реченицата „се држите услишно, а не послушно према надворешните“ го опишува карактерот на Никола Груевски.

Тој вели дека токму заради оваа карактеристика на Никола Груевски, Република Македонија не го промени своето име како што беше побарано туку цврсто застана зад своите ставови.

-Да не беше таква неговата црта на карактерот денеска тврдам и гарантирам со сета своја чест дека оваа земја ќе се викаше Република Тенџере, ФИРОМ или северна е мила мајка. Република Тенџере ќе не натераа да ја викаме и тоа без капак, оти ако има капак има димензија, ќе го ливелираш ќе го подотвориш ќе го подзатвориш ќе курдисаш некоја манџа. Ама без капак како ќе излезе така ќе го јадеш, кажува актерот Темелковски.

Тој потенцира дека токму таа црта во карактерот на Никола Груевски кој може да сослуша и доколку е за добро на Македонија може да го прифати, а доколку не е добро ќе го сослуша но нема послушно веднаш да го прифати е причината заради која сеуште сме Република Македонија, а не ФИРОМ, северна или пак Република Тенџере.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.