Обид за убиство во Гостивар: За 100 евра и мобилен, го удрил со секира во глава

Крвава драма се случувала вчера околу 18 часот и 30 минути на улицата „Тоде Богданоски“ во Гостивар.

Од полицијата информираат дека додека 32- годишниот Д.К седел со пријател дошол Е.Н.

Е.Н. откако видел дека Д.К. во раката има 100 евра и мобилен телефон се обидел да ги земе и да побегне, но бил спречен од 32 годишниот гостиварец.

По ова напаѓачот извадил нож и замавнал кон Д.К., потоа од под јакната извадил секира со која го удрил по главата нанесувајќи му расекотина, по што со ножот го прободел два пати во пределот на левото рамо и избегал.

Повредениот Д.К. бил пренесен во гостиварската болница, каде по укажаната лекарска помош е пуштен на домашно лекување.

Од полицијата информираат дека извршиле увид на местото и се преземаат мерки за целосно расчистување на случајот.

(фото – илустрација)

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.