Автомобил удри во пешаци во Лондон, две лица во критична состојба (видео)

Автомобил удри во група пешаци во Лондон околу три часот утрово, по што пет лица се повредени, меѓу кои две се наоѓаат во критична состојба.

Инцидентот се случи во улицата Стоквел роуд, а полицијата соопшти дека случајот не го третира како тероризам.

– Полицијата е повикана на самото место во три часот по полноќ, со цел да го испита влетувањето на автомобилот меѓу пешаци во улицата Стоквел роуд, во близина на крстосницата со улицата Сидни. Ова не се третира како терористички напад. Полиција и амбулантни возила се наоѓаат на местото на несреќата. Пет лица се повредени, а две се во критична здравствена состојба, истакна портпарол на лондонската полиција.

Улицата Стоквел роуд е блокирана, а во тек е истрага.

Stockwell driver rams through pedestrians pic.twitter.com/GDsqgDsWkq

— Khalid Nure (@knure2015) December 2, 2017

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.