Ќе гледаме мајсторка!

Изгледаше како овој да е последен натпревар од оваа сезона. Сан Антонио го контролира натпреварот, а Данкан го одигра можеби најдобриот натпревар во финале во последниве 10 години. Спарс направи одлична серија и стигна до +13, но Мајами се врати на 4 минути пред крајот на третата четвртина.

Леброн и Реј Ален ги погодија клучните шутеви во последниот дел од регуларниот дел на натпреварот, а Реј Ален со тројка во последните секунди изедначи на 95-95 и се избори за продолжение. Џејмс го заврши натпреварот со уште еден трипл-дабл од 32 поени, 11 асистенции и 10 скока, а на крајот погоди клучен шут и украде една топка за победа на Мајами и изедначување на серијата на 3-3.

За Спарс, Данкан постигна 30 поени, а Дени Грин имаше одлична шанса во продолжението, но беше блокиран од Бош во последната секунда. Грин во целата финална серија шутираше одлично за тројки, но сега погоди само една од 5.

Мајсторката се игра во четврток повторно во Флорида.

httpv://www.youtube.com/watch?v=lMTm-nfLGgc

Мајами Хит – Сан Антонио Спарс (95-95) 103-101 (3:3)

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.