Книга за руската политика кон Македонија од Владо Поповски

Поз­на­тиот македонски историчар и интелектуалец Владо Поповски во престижната едиција „Historia est“ на Книгоиздателството Макавеј од Скопје ја објави книгата со историски истражувања „Руската и советската надворешна политика и македонското прашање“.

Истражувањата на д-р Владо Поповски претставуваат тематска целина и тие ги тре­ти­ра­ат прашањата на надворешната политика на Русија и на СССР кон Бал­ка­нот и, посебно, кон Македонија.

Пот­тик за нивното објавување и поставување во еден тематски контекст во ваква книга е постоењето на една помалку парадоксална ситуација. Имено, тек­сто­ви­те на Поповски веќе станаа факт од исто­ри­о­гра­фи­ја­та од странство, во прв ред, во Русија и во Бугарија.

По­ја­ва­та на оваа книга сега во Македонија  е полезна од повеќе причини. Пр­во, во Македонија, бројот на историчарите кои се занимаваат со над­во­реш­на­та политика на Русија е многу мал. За овие прашања се ин­те­ре­си­ра­ат не само дипломати, новинари и историчари туку и пошироката јавност. Во тој поглед може да се констатира дека односот на Русија кон Македонија е ва­жен дел од етаблирањето на националната посебност и националната свест кај Ма­ке­дон­ци­те  а и кај другите балкански народи.

Трудовите кои ја сочинуваат оваа книга имаат голема улога во објективизацијата, деполитизацијата и де­ми­то­ло­ги­за­ци­ја­та на односот на Русија  и на СССР кон Македонија и улогата за ра­ци­о­нал­но и конструктивно доживување и разбирање на руско (советско)-ма­ке­дон­ски­те историски и политички релации, се истакнува во препораката од Издавачката куќа Макавеј.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.