Јединак ја однесе Австралија во Русија (видео)

Австралија го победи Хондурас со 3:1 на денешниот реванш натпревар од бараж пресметката и се пласира на пласман на Светското фудбалско првенство што ќе се игра идната година во Русија.

Јунак во триумфот на „кенгурите“ беше капитенот Миле Јединак кој ги постигна трите гола за домаќините. Јединак погоди во 53, 85 (пенал) и 89. минута (пенал), а Хондурас намали во судиското надополнување преку Алберто Елис што не беше доволно по нерешените 0:0 на првиот натпревар.

За Австралијците ова ќе биде петто учество на фудбалските Мундијали и четврто по ред.

Австралија е претпоследниот патник во Русија, последниот ќе биде познат по полноќ за кога е закажан дуелот Перу – Нов Зеланд (0:0 прв натпревар).

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.