„Нетфликс“ го отпушти Кевин Спејси од „Куќа од карти“

Компанијата „Нетфликс“ објави дека го отпушти актерот Кевин Спејси, бидејќи расте бројот на обвинувањата за сексуални напади и за сексуално вознемирување против него.

Спејси е отпуштен од хит-серијата „Куќа од карти“, а „Нетфликс“ нема да го објави ни „Гор“, филмот за американскиот писател Гор Видал, во којшто тој беше продуцент и главен актер.

Продукцијата на шестата, последна сезона на серијата е во прекин од пред неколку дена.

Кевин Спејси јавно се извини, откако актерот Ентони Рап откри дека пред повеќе од 30 години, тој се обидел да го заведе на една забава, кога имал само 14 години. Потоа се појавија и неколку други слични обвинувања против Спејси.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.