ВМРО-ДПМНЕ: Се што СДСМ ќе руши, ќе го изградиме повторно кога ќе се вратиме на власт

ВМРО-ДПМНЕ ја информираше јавноста и даде јавно ветување дека се што СДС ќе сруши и уништи од она што е создадено веднаш по враќањето на власт ќе биде обновено и вратено таму каде што било и такво како што било и ќе биде покрената одговорност за секој кој сега ќе учествува во разни рушења, уништување или преместувања и слично.

-ВМРО-ДПМНЕ укажува дека политиката на пресметка или обид за собирање на политички поени на СДС преку отсранување на спомениците на композиција на светица која за време на својот живот била и добитник на Нобелова награда за мир, скопјанката Мајка Тереза или преку отстранувањето на обележјето на македонскиот војвода Андон Јанев Ќосето близок и многу доверлив соработник на Гоце Делчев, Даме Груев и Христо Татарчев, личност која сериозно го ризикувал својот живот за целите на македонската револуционерна борба за слобода, ќе биде чекор кој ќе внесе негативна енергија и нов раздор во македонскиот општество, се вели во соопштението.

ВМРО-ДПМНЕ им порачува на СДС да се фокусираат на градење наместо на рушење, на создавање наместо на уништување и на решавање на проблемите на граѓаните.

-Секојдневното говорење за реформи нема да и помогне на Македонија ако наместо спроведување реформи владата остане фокусирана на рушење и уништување, порачува ВМРО-ДПМНЕ.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.