Протести во Приштина: Албанците револтирани од доживотните казни за „Диво Насеље“

Стотици Албанци пред македонската амбасада во Приштина го изразуваат револтот од пресудите донесени во случајот „Диво насеље“.
Косовците се незадоволни од, како што сметаат, драконските казни и нефер судењето за „Диво Насеље“.

Откако вчера беа изречените казните за обвинетите во случајот Диво насеље, во знак на протест на пресудите, во Пеќ на Косово било запалено македонското знаме. Пред овој случај, македоснкото знаме беше исто така запалено и во градот Гњилане, каде навивачите на локалниот фудбалски клуб на овој начин го искажале својот револт.

Обвинетите за тероростичкиот напад во кумановската населба Диво Насеље во мај 2015 година во кои загинаа осуммина припадници на македонските безбедносни сили добија осум доживотни казни затвор, 13 по 40 години, шест по 20 години, една од 18 години, две од 14, две од 13, две по 12 години затвор и четири ослободителни пресуди.

Вчерашното рочиште во Судот помина во тензична атмосфера. Пред да бидат прочитани пресудите, обвинетите станаа од своите места и почнаа да ја пеат албанска химна, да викаат УЧК, УЧК, да упатуваат закани дека крвтта на убиените нема да остане неказнета, дека во Македонија ќе нема мир,…

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.