Вчера заплака тој, наскоро ќе плаче целиот фудбалски свет (Фото/ Видео)

На прагот на 40-тата година Џанлуиџи покажа дека е најдобар меѓу голманите. Неповторливниот италијански голман и според многумина можеби најдобар во историјата вчера ја доби наградата за најдобар голман на светот во сезоната кога се простува од фудбалот.

Неделното попладне кај Италијаните е резервирано за нивното Калчо, секогаш шармантната Серија А. Колку и во различни сегменти да заостанува зад Шпанците, Англичаните и Германците, таа лига и понатаму го има оној Х-фактор, благодарејќи на безвременските лица како Џанлуиџи Буфон.

The Best XI. 💯
The Best Photo. 📸 pic.twitter.com/1btKmqxRdQ

— Squawka News (@SquawkaNews) October 23, 2017

Баш во неделата тој гостуваше на североистокот на земјата заедно со неговиот Јувентус. Удине, место со околу 100 илјади жители со години има стабилен прволигаш кој е еден од ретките клубови кој може да се пофали со нов и убав стадион.

Gianluigi Buffon struggles to hold it together after collecting his The Best FIFA Goalkeeper award. pic.twitter.com/TaZlephnsi

— Squawka News (@SquawkaNews) October 23, 2017

Дачија Арената го нагости вистинскиот победник и еден од најголемите голмани на сите времиња, а тој преполните трибини, освен со своето присуство, ги почести и со неколку невертојатни одбрани и тоа на прагот на 40-тата година.

Неговиот тим победи до 6:2, иако Џиџи два пати капитулираше, беше еден од најдобрите на теренот. Аплауз доби и од домашните фанови.

Веќе во понеделник, само 24 часа подоцна, Џиџи во Лондон се појави на гала вечерта на ФИФА, организирана за најголемите фудбалски лица, оној фудбалскиот крем.

Италијанскиот капитен на крајот на јануари 2018 година, поточно на 28 јануари, влегува во петтата деценија од животот и последните шест месеци од својата 22 години долга и неповторлива кариера. А делува како момче.

Наградата за најдобар голман на светот ја освои поприлично уверливо со 42.42 проценти од освоените гласови.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.