Стојановски со благодарност до граѓаните: Победата е потврда дека сме на вистинскиот пат

По повод мојот избор за градоначалник, Ви изразувам искрена благодарност за поддршката и довербата што ми ја дадовте на локалните избори, да ја водам Општина Илинден во наредните четири години. Довербата што со Вашиот избор ми ја дадовте по четврти пат да бидам градоначалник на Општина Илинден за мене е вистинска привилегија, но истовремено и голема обврска и одговорност, истакна старо-новиот градоначалник Жика Стојановски.

-Знам дека довербата не се стекнува преку ноќ, таа е резултат на реализацијата на голем број капитални проекти во изминатиот период, што Вие ги посочивте како приоритет, а заедно ги реализиравме. Токму затоа, добивањето на новиот мандат за мене е потврда дека сме на вистинскиот пат да ја направиме Општина Илинден уште поубаво место за живеење. Вашата доверба е мотив и поттик повеќе со уште позасилено темпо да продолжиме со создавањето на услови за подобрување на квалитетот на живеење и животниот стандард на жителите од сите 12 населени места, вели Стојановски и додава:

„Во периодот што следи це­лос­но ќе се на­со­чи­ме кон ре­а­ли­за­ци­ја на приоритетните проекти ко­рис­теј­ќи ги на­ши­те рас­по­лож­ли­ви по­тен­ци­ја­ли, искус­тва, знаења и ка­па­ци­те­ти, со цел обез­бе­ду­вање на одржлив локален економски развој и прос­пе­ри­тет­на идни­на на це­ло­куп­но­то на­се­ле­ние во Општи­на Илин­ден. Имаме јасна визија за Општина Илинден да прерасне во урбана, атрактивна и конкурентна Општина во регионот и пошироко. Општина Илинден – препознатлива, потврдена, економски силна, урбана општина со современи услови за живеење и стопанисување. Да ги искористиме силните страни на Општина Илинден“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.