ДИК ја затвори седницата за јавност: Отстранети се медиумите за јавноста да не дознае за изборниот криминал на СДСМ

Државната изборна комисија на денешната седница на која се одлучува за приговорите за изборни нерегуларности во текот на изборниот процес во неделата, одлучи седницата да се затвори за јавноста, да се отстранат медиумите со цел јавноста да не биде запознаена со доказите и фактите околу изборните прекршувања од страна на СДСМ.

Ова е невиден скандал и преседан во работата на ДИК. Само за потсетување за време на минатите избори седниците на ДИК биле пренесувани во живо од страна на телевизиите и интернет порталите.

Јавноста на седниците на ДИК е важен детал, со помош на истата граѓаните непосредно имаат увид во работата на ДИК која директно одлучува за изборниот процес и гласањето.

Во текот на седницата се гледаше како Александар Чичаковски како претседател на ДИК, Виолета Дума и Игор Милев како членови предложени од СДСМ беа видно нервозни и се обидуваа да релативизираат очевидни докази и факти.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.