Со 10 милиони евра глоба Меси ќе избегне затвор

Со 10 милиони евра глоба, Лионел Меси ќе избегне затвор, пишуваат шпанските медиуми. Толкава ќе биде казната, ако шпанскиот суд докаже дека маѓепсникот од Барселона, затајувал данок во висина од 4 милиони евра во периодот од 2006 до 2009 година. Со такво обвинение се соочува најдобриот стрелец на планетата, но засега тоа не е докажано. Но, ако се потврди казната според шпанските закони е висока и може да биде до 6 години зад решетки. Раководството на Барселона, застана во одбрана на својата фудбалска ѕвезда, а претседателот на каталонскиот клуб, Сандро Росел изјави „дека Меси не е виновен и дека има апсолутна подршка од Барселона во мисијата да ја докаже својата невиност“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.