Во финалето на турнирот од Мастерс серијата што се одржа во Шангај, Роџер Федерер беше поуспешен од Рафаел Надал.
Триесет и осмиот дуел во историјата на двајцата великани на светскиот тенис заврши со победа на Федерер кој во меч што траеше 70 минути во два сета со 6:4 и 6:3 го совлада Надал и ја забележа 15-тата победа во меѓусебните соочувања.
Ова беше вкупно 94-та титула за Федерер и на вечната листа се израмни со второпласираниот Иван Лендл, а Швајцарецот сезонава стигна со шестиот АТП триумф колку што има и неговиот голем ривал од Шпанија.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
