Противпожарни екипи од Куманово со приближно 20 пожарникари се вклучени во гаснењето на пожарот кој избувна попладнево во 18:15 часот во локалитетот Касапски круг при што беа зафатени дел од просториите од Одделението за катастар на недвижности во Куманово.
Според информациите на командантот на ППЕ Куманово, Дејан Илиевски пожарникарите се уште работат на отстранување на лимениот покрив и на гаснење на жариштето на пожарот.
Според него, во текот на ноќта ќе остане дежурна една екипа.
Градоначалникот Зоран Дамјановски изврши увид во просторите на тн. стара општина Куманово, бидејќи во таа зграда се сместени неколку одделенија и сектори од општината. Тој рече дека има причинето голема материјална штета и дека од утре ќе се изврши увид што всушност е уништено во пожарот што избувна во центарот на Куманово.
Според првичните информации на екипите од терен, едно лице е повредено.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Поврзани вести
-
Шок во Бордо: Суботиќ во бесознание, доби удар од голманот на Ст.Етјен
-
Кузмановска: Неспособната власт ги задолжи граѓаните за нови 21,1 милион евра
-
И јас трпев насилство од поранешниот партнер: Министерката си ја отвори душата!(видео)
-
Руси масовно дрифтаат во снег, ни полицијата не им може ништо (Видео)
