Никола Дамчевски, гинекологот што ги лажеше пациентките дека се бремени остана без лиценца

Судот на честа при Лекарската комора му ја одзема лиценцата на гинекологот Никола Дамчевски на седум години, неофицијално дознава „Фокус“.

Според информациите на „Фокус“, пред неколку денови членовите на судот на честа при Лекарската комора донеле одлука да му ја одземат лиценцата на Дамчевски, кој во изминатиот период како што објавија медиумите излажал повеќе пациентки дека се бремени.

Неофицијално, гинекологот се уште го нема добиено официјалното решение дека му е одземена лиценцата. Според процедурата, откако ќе го добие, има рок од две недели за жалба до второстепената комисија на Лекарската комора, и ако и во тој случај му биде одбиена жалбата, тогаш доколку повторно се жали, последната одлука ја носи Собранието на Комората кое брои 69 члена.

Одземањето на лиценцата на Дамчевски во период од седум години е најстрогата „казна“ што можел да ја добие гинекологот од Лекарската комора, бидејќи тоа е максималниот рок што еден лекар може да го добие како забрана за вршење на лекарската дејност без донесена судска пресуда.

Дамчевски последната година беше вработен на скопската Клиника за Гинекологија, од каде што е суспендиран. Основното јавно обвинителство против него покрена обвинение.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.