Коневски:Се асфалтира улицата „Тодор Чангов“ во Горно Лисиче

-Вечерва, 9.10.2017 година (понеделник), ќе организираме средба со жителите на Горно Лисиче во паркот „Бановина“, на која ќе ги претставам бројните проекти за оваа населба предвидени во мојата изборна програма- најавува  актуелниот и кандидатот за уште еден градоначалнички мандат во населбата Аеродром, од редовите на ВМР ДПМНЕ, Ивица Коневски.
-Горно Лисиче, впрочем, како и секој друг дел од нашата општина, беше во фокусот изминативе неколку години, каде во континуитет според планирана динамика ги реализираме сите предвидени проекти за нејзин раст и развој. Горно Лисиче, кое претходно беше заборавено од сите, по цели 50 години доби фекална канализација во должина од над 40 километри, 2 нови колектори, препумпна станица. Се асфалтираа улиците „Ѓорѓи Капчев“, „Тодор Чангов“, „Горно Лисиче“. Изградивме тротоари, се постави ново улично осветлување, се отвори прва детска градинка, изградивме нова спортска сала во ООУ „Гоце Делчев“, изградивме прекрасен парк во местото викано Бановина, ги реконструиравме трите моста на Усјанскиот канал.
Во моментов работиме на асфалтирање на реконструираната улица кај ресторанот Мирко, „Тодор Чангов“, која спаѓа меѓу најголемите сообраќајници во оваа населба.
Станува збор за промена на целата асфалтна конструкција со санација на пропаднатите места, како и промена на тампонскиот слој на улиците во вкупна должина од 1 километар и 240 метри и широчина од 6 метри. Исто така, улицата доби и нов тротоар од 1,5 метри, што значи широчината на улицата е вкупно 9 метри.
Изградбата на оваа улица значи зајакнување на инфраструктурата во оваа населба со што ќе се подобри животот на жителите на Горно Лисиче- напиша на својот ФБ профил, Коневски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.