Вучиќ: Каталонија е најдобар пример за двојните аршини на ЕУ

Претседателот на Србија Александар Вучиќ изјави дека ставот на Европската комисија оти референдумот за независност на Каталонија е нелегален, е најдобар пример за двојните аршини и лицемерито на светската политика.

– И што кога сега јас ќе одам во Брисел? Кое прашање да го поставам? Како да им кажам-А зошто ние Србите бевме најлошо третирани? Како тоа во Каталонија не важи референдумот, а Косово може и без референдум?- праша Вучиќ на заедничката прес-конференција со грчкиот претседател Прокопис Павлопулос.

Вучиќ додаде дека и покрај се, Србија ја гледа во ЕУ и поради типот на општеството на кое сака да припаѓа и поради подобрата економија.

– Си играа со судбините на државите кога ги прекројуваа границите на Балканот, а денес не им е до игра, кога мечката тропна на нивна врата. Сега ситуацијата е многу сериозна- истакна Вучиќ.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.