ВМРО-НП: Во Делчево го поддржуваме кандидатот на ВМРО-ДПМНЕ Иван Соколов, демантираме било каква соработка со СДСМ

Општинскиот комитет на ВМРО-Народна партија – Делчево упатува демант по објавувањето на веста за наводна поддршка на кандидатот за градоначалник од редовите на СДСМ.

Како што велат официјално од партијата, дотичната госпоѓа Бобулинска која го поддржала кандидатот на СДСМ и прикажала дека цела ВМРО-НП стои зад него, ниту е член на Централниот комитет на ВМРО-НП ниту пак ЦК донел таква одлука во однос на поставеноста на партијата за локалните избори, па оттука истата нема право да зборува во ИМЕ на целото членство на партијата.

ВМРО НП донесе одлука за исклучување од членство на Гордана Бобулинска, член на ВМРО НП од Делчево токму поради нејзиниот обид во повеќе наврати во блиско минато да пласира нејзини лични одлуки во име на партијата кои прават раздор меѓу нашето членство кое во оваа партија дејствува поради идеологијата и нашиот лидер Љубчо Георгиевски. Зачудува фактот што г-ѓата во минатото била видена на комитски средби и митинзи на ВМРО ДПМНЕ а денес истата така жестоко се противи на коалиција со партијата која токму таа ја поддржуваше. – стои во реакцијата на партијата.

Општинскиот комитет на ВМРО-НП Делчево ги потсетува своите членови дека е донесена единствена одлука за поддршка на кандидатот за градоначалник од ВМРО ДПМНЕ Иван Соколов.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.