Новоформираната издавачка куќа „Стрип квадрат“ в сабота ќе го промовира своето првенче, сликовницата „Храброста на Гоце“, која е прв наслов од едицијата „Револуционери“.
Оваа едиција ќе содржи пет наслови, а тематски ќе обработува интересни случки од животите на нашите познати револуционери Гоце Делчев, Јане Сандански, Питу Гули, Никола Карев и Даме Груев. Идејата е на што поинтересен начин младите да се запознаат со овие наши великани и нивните дела.
Издавачките планови на „Стрип квадрат“ се движат во доменот на основачите Игор Јовчевски и Никола Темков, детски илустратори и стрип автори, како на детската литература, сликовници, боенки и, секако, стрипот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
