Од 20 септември Друштвото на писателите на Македонија го започнува проектот „Денови на македонските издавачи“ посветен на најновата книжевна продукција и доближување на книгата до читателите.
Отворениот проект на ДПМ ќе овозможи до крајот на годината издавачите, преку промоции, дебати и портрети, да ги претстават делата и авторите опфатени во нивните програми. Акцентот е ставен на книгите објавени во Македонија во тековната година, при што ќе бидат претставени писатели од сите генерации. Љубителите на литературата ќе имаат можност да присуствуваат и на презентација на дела од наши автори објавувани на други јазици.
Друштвото на писателите на Македонија во рамките на оваа манифестација ќе одржи дебата посветена на состојбата на книгата, статусот на авторот, заштитата на авторскиот труд, како и за актуелните проблеми во издавачката дејност, книжарството и библиотеките.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Поврзани вести
-
Промоција на најновата книга „Липите кај Сарај куќа“ на Лидија Дочовска Павловска во ДПМ
-
Загајевски стана почесен член на Друштвото на писатели на Македонија
-
„Македоника литера“ на Меѓународниот саем на книга во Пекинг стана дел од Здружението на издавачи 16+1
-
„Празник на липите“: Врачени наградите „Книжевно жезло“ на Видое Видически и Ѓеорѓе Добре
