Со панихида во црквата „Успение на пресвета Богородица“ во Ново Село, Штип, одбележана 93 годишнината од убиството на Тодор Александров, народен трибун и човек кој бил најдолго на кормилото на историското ВМРО. На панихидата присуствуваа штипските пратеници од ВМРО Дпмне во македонското собрание, градоначалникот, членови на патриотското здружение кое го носи неговото име и мештаните, кои 20 –тина години по ред се и организатори на настанот. Според нив, обврска и чест е секоја година на 31 август да се потсетат на ликот и делото на Александров, кој е родум од Ново Село.
– Според многумина негови современици е еден од највлијателните претседатели на ВМРО. Тој е апостол на организацијата и според многумина е најсветлата точка на целокупниот македонски револуционерен дух- изјави Душко Иванов, „Здружение на ликот и делото на значајни личности родени во Ново Село“
Иванов најави дека во иднина, а во согласност со принципите на Здружението, ќе организираат и други помени и свечености за останатите личности кои се по потекло од Ново Село и кои оставиле траен белег во македонската историја, наука, култура и уметност.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
